காமத்துப்பால் · களவியல்

குறள் 1095

அதிகாரம்: குறிப்பறிதல் · Recognition of the Signs

குறிக்கொண்டு நோக்காமை அல்லால் ஒருகண்
சிறக்கணித்தாள் போல நகும்

மூன்று உரைகள்

உரை 1

Mu. Varadarasanar

என்னை நேராகக் குறித்துப் பார்க்காத அத் தன்மையே அல்லாமல், ஒரு கண்ணைச் சுருக்கினவள் போல் என்னைப் பார்த்து தனக்குள் மகிழ்வாள்.

மு. வரதராசனார் உரை

உரை 2

Solomon Pappaiah

நேரே பார்க்காமல் ஒரு கண்ணை மட்டும் சுருக்கி பார்ப்பவள் போல என்னைப் பார்த்துப் பார்த்துப் பிறகு தனக்குள் தானே மகிழ்வாள்.

சாலமன் பாப்பையா உரை

உரை 3

Kalaignar Mu. Karunanidhi

அவள் என்னை நேராக உற்றுப் பார்க்கவில்லையே தவிர, ஒரு கண்ணைச் சுருக்கி வைத்துக் கொண்டதைப் போல என்னை நோக்கியவாறு தனக்குள் மகிழ்கிறாள்

கலைஞர் மு. கருணாநிதி உரை

No direct gaze; a side-long glance She darts at me and smiles askance

விளக்கம்: She not only avoids a direct look at me, but looks as it were with a half-closed eye and smiles

உச்சரிப்பு: Kurikkontu Nokkaamai Allaal Orukan
Sirakkaniththaal Pola Nakum