உரை 1
மு. வரதராசனார்
Mu. Varadarasanar
முன்னே தான் சமமாக இருந்து, பின்பு பொருளைச் சீர்தூக்கும் துலாக்கோல் போல் அமைந்து, ஒரு பக்கமாக சாயாமல் நடுவுநிலைமை போற்றுவது சான்றோர்க்கு அழகாகும்.
மு. வரதராசனார் உரை
அறத்துப்பால் · இல்லறவியல்
குறள் 118
அதிகாரம்: நடுவு நிலைமை · Impartiality
சமன்செய்து சீர்தூக்குங் கோல்போல் அமைந்தொருபால்
கோடாமை சான்றோர்க் கணி.
மூன்று உரைகள்
உரை 2
சாலமன் பாப்பையா
Solomon Pappaiah
முதலில் சமமாக நின்று பிறகு தன்மீது வைக்கப்பட்ட பாரத்தை நிறுத்துக் காட்டும் தராசு போல, நீதிக்குரிய இலக்கணங்களால் அமைந்து ஓரம் சார்ந்து விடாமல் இருப்பது சான்றோராகிய நீதிபதிகளுக்கு அழகாம்.
சாலமன் பாப்பையா உரை
உரை 3
கலைஞர் மு. கருணாநிதி
Kalaignar Mu. Karunanidhi
ஒரு பக்கம் சாய்ந்து விடாமல் நாணயமான தாரசு முள் போல இருந்து நியாயம் கூறுவதுதான் உண்மையான நடுவுநிலைமை என்பதற்கு அழகாகும்
கலைஞர் மு. கருணாநிதி உரை
ஆங்கில மொழிபெயர்ப்பு
Like balance holding equal scales A well poised mind is jewel of the wise
விளக்கம்: To incline to neither side, but to rest impartial as the even-fixed scale is the ornament of the wise
உச்சரிப்பு: Samanseydhu Seerdhookkung Kolpol Amaindhorupaal
Kotaamai Saandrork Kani