திருக்குறள் நூலகம் தேடுக

அறத்துப்பால் · இல்லறவியல்

குறள் 56

அதிகாரம்: வாழ்க்கைத் துணைநலம் · The Worth of a Wife

தற்காத்துத் தற்கொண்டாற் பேணித் தகைசான்ற
சொற்காத்துச் சோர்விலாள் பெண்.

அதிகாரம் 6 முந்தைய குறள் அடுத்த குறள்

மூன்று உரைகள்

உரை 1

மு. வரதராசனார்

Mu. Varadarasanar

கற்பு நெறியில் தன்னையும் காத்துக்கொண்டு, தன்கணவனையும் காப்பாற்றி, தகுதியமைந்த புகழையும் காத்து உறுதி தளராமல் வாழ்கின்றவளே பெண்.

மு. வரதராசனார் உரை

உரை 2

சாலமன் பாப்பையா

Solomon Pappaiah

உடலாலும் உள்ளத்தாலும் தன்னைக் காத்து, தன் கணவனின் நலன்களில் கவனம் வைத்து, குடும்பத்திற்கு நலம் தரும் புகழைக் காத்து, அறத்தைக் கடைப்பிடிப்பதில் சோர்வடையாமல் இருப்பவளே மனைவி.

சாலமன் பாப்பையா உரை

உரை 3

கலைஞர் மு. கருணாநிதி

Kalaignar Mu. Karunanidhi

கற்புநெறியில் தன்னையும் தன் கணவனையும் காத்துக் கொண்டு, தமக்குப் பெருமை சேர்க்கும் புகழையும் காப்பாற்றிக் கொள்வதில் உறுதி குலையாமல் இருப்பவள் பெண்

கலைஞர் மு. கருணாநிதி உரை

ஆங்கில மொழிபெயர்ப்பு

The good wife guards herself from blame, She tends her spouse and brings him fame

விளக்கம்: She is a wife who unweariedly guards herself, takes care of her husband, and preserves an unsullied fame

உச்சரிப்பு: Tharkaaththuth Tharkontaar Penith Thakaisaandra
Sorkaaththuch Chorvilaal Pen