பொருட்பால் · நட்பியல்

குறள் 806

அதிகாரம்: பழைமை · Familiarity

எல்லைக்கண் நின்றார் துறவார் தொலைவிடத்தும்
தொல்லைக்கண் நின்றார் தொடர்பு.

மூன்று உரைகள்

உரை 1

Mu. Varadarasanar

உரிமை வாழ்வின் எல்லையில் நின்றவர், தமக்கு அழிவுநேர்ந்தவிடத்திலும் பழைமையாய் உறவு கொண்டு நின்றவரின் தொடர்பைக் கைவிட மாட்டார்.

மு. வரதராசனார் உரை

உரை 2

Solomon Pappaiah

நட்பின் எல்லையைக் கடக்காமல் வரம்பிற்குள்ளேயே நின்றவர், தம்முடன் நெடுங்காலமாக நட்புக் கொண்டவரால் கெடுதிகள் என்றாலும் அவரது நட்பினை விடமாட்டார்.

சாலமன் பாப்பையா உரை

உரை 3

Kalaignar Mu. Karunanidhi

நீண்டகால நண்பர்கள் தமக்குக் கேடு தருவதாக இருந்தால்கூட நட்பின் இலக்கணம் உணர்ந்தவர்கள் அவர்களது நட்பைத் துறக்க மாட்டார்கள்

கலைஞர் மு. கருணாநிதி உரை

They forsake not but continue In friendship's bounds though loss ensue

விளக்கம்: Those who stand within the limits (of true friendship) will not even in adversity give up the intimacy of long-standing friends

உச்சரிப்பு: Ellaikkan Nindraar Thuravaar Tholaivitaththum
Thollaikkan Nindraar Thotarpu