உரை 1
மு. வரதராசனார்
Mu. Varadarasanar
ஒரு பிறப்பில், ஆமைபோல் ஐம்பொறிகளையும் அடக்கியாள வல்லவனானால், அஃது அவனுக்குப் பல பிறப்பிலும் காப்பாகும் சிறப்பு உடையது.
மு. வரதராசனார் உரை
அறத்துப்பால் · இல்லறவியல்
குறள் 126
அதிகாரம்: அடக்கம் உடைமை · The Possession of Self-restraint
ஒருமையுள் ஆமைபோல் ஐந்தடக்கல் ஆற்றின்
எழுமையும் ஏமாப் புடைத்து.
மூன்று உரைகள்
உரை 2
சாலமன் பாப்பையா
Solomon Pappaiah
ஆமை தன் நான்கு கால், ஒரு தலை ஆகிய ஐந்து உறுப்புகளையும் ஆபத்து வரும்போது ஓட்டுக்குள் மறைத்துக் கொள்வது போல, ஒருவன் தன் ஒரு பிறப்பில் மெய், வாய், கண், மூக்கு, செவி ஆகிய ஐந்து பொறிகளையும் அறத்திற்கு மாறான தீமை வரும்போது அடக்கும் ஆற்றல் பெறுவான் என்றால், அது அவனுக்குப் பிறவி தோறும் ஏழு பிறப்பிலும் - அரணாக இருந்து உதவும்.
சாலமன் பாப்பையா உரை
உரை 3
கலைஞர் மு. கருணாநிதி
Kalaignar Mu. Karunanidhi
உறுப்புகளை ஓர் ஓட்டுக்குள் அடக்கிக் கொள்ளும் ஆமையைப் போல் ஐம்பொறிகளையும் அடக்கியாளும் உறுதி, காலமெல்லாம் வாழ்க்கைக்குக் காவல் அரணாக அமையும்
கலைஞர் மு. கருணாநிதி உரை
ஆங்கில மொழிபெயர்ப்பு
Who senses five like tortoise hold Their joy prolongs to births sevenfold
விளக்கம்: Should one throughout a single birth, like a tortoise keep in his five senses, the fruit of it will prove a safe-guard to him throughout the seven-fold births.
உச்சரிப்பு: Orumaiyul Aamaipol Aindhatakkal Aatrin
Ezhumaiyum Emaap Putaiththu